საერთაშორისო ფესტივალი "ამირანი"

 საქართველოს შოთა რუსთაველის თეატრისა და კინოს სახელმწიფო

                                                 უნივერსიტეტი
                                                               და 

საქართველოს კულტურის, ძეგლთა დაცვისა და სპორტის სამინისტრო

                                                  წარმოგიდგენთ

                   სტუდენტური ფილმების საერთაშორისო ფესტივალს

                                                       “ამირანი”

                                            11-14 ივნისი, 2009


მონაწილეობს 10 ქვეყანა: აზერბაიჯანი, ბოლივია, ბულგარეთი, გერმანია, ესპანეთი, სლოვაკეთი, უკრაინა, შრილანკა, შვეიცარია და საქართველო.
ფესტივალის პროგრამაშია 41 ფილმი.


 ფესტივალის გაგრძელდება 4 დღე:

გახსნა: წარმოდგენილი იქნება თავად ფესტივალი, მისი ისტორია. დრამის ფაკულტეტის ორგანიზებით მოეწყობა საღამო, რომელზეც წარმოდგენილი იქნება მთელი საუნივერსიტეტო რესურსი.
მეორე საღამო: ქართული ჯგუფების ცოცხალი შესრულება, რომელსაც თან დაერთვება აუდიო-ვიზუალური ხელოვნების ექსპერიმენტი.
დახურვის ცერემონიალი: გამოვლინდებიან გამარჯვებულები 7 ნომინაციაში,
ფესტივალის ფარგლებში მოეწყობა უნივერსიტეტის მიერ ბოლო დროს ჩატარებული მასტერკლასების პრეზენტაცია (დიტო ცინცაძის მასტერკლასის 10 ფილმი), ასევე მოეწყობა პრეზენტაცია “უცნობი ქართული კინო”, რომელიც კინოსტუდია ქართულ ფიმთან ერთად განხორციელდა და ახლა DVD ფორმატში გამოიცა.
რუსტამ იბრაგიმბეკოვის კინოსკოლის პრეზენტაცია (აზერბაიჯანი) –ნაჩვენები იქნება ფილმები, რომელთა ნახვაც საინტერესო იქნება ნებისმიერი კინომოყვარულისთვის.
3 დღიან კინო ჩვენება: დასწრება თავისუფალია, აქედან გამომდინარე ნებისმიერ მსურველს ექნება შესაძლებლობა ნახოს სტუდენტური ფილმები. კინოჩვენებას ასევე ესწრებიან სტუდენტები სხვადასხვა უმაღლესი სასწავლებლებიდან.
4 მასტერკლასი: ჟიურის წევრები ჩაატარებენ მიზნობრივ მასტერკლასებს მსურველთათვის. მასტერკლასებზე დასწრება ხდება ფესტივალის აკრედიტაციით.

წელს ჟიურის წევრები ჩამოვლენ აზერბაიჯანიდან, რუსტამ იბრაგიმბეკოვის კინოს სკოლიდან.

ფესტივალის პარტნიორები არიან: ყავა პელე, ისი-პარი, ღვინის კომპანია “ასკანელი ძმები”, “ნატახტარი”.

საინფორმაციო უზრუნველყოფა: საინფორმაციო სააგენტოები “ჯი-ეიჩ-ენი” და ინტერპრესნიუსი, მედია პალიტრა, გაზეთი 24 საათი და რადიო უცნობი.

ფესტივალს უდიდესი მნიშვნელობა აქვს ქართული კინო სფეროს განვითარებისთვის, სტუდენტური ცხოვრების და აქტივობისთვის.
ასევე, მას საერთაშორისო მნიშვნელობა ენიჭება, როგორც ერთადერთ ქართულ სტუდენტურ ფესტივალს, რომელშიც ყოველწლიურად ათობით ქვეყანა მონაწილეობს და ქართული კინო ფესტივალის პრიზები იგზავნება სხვა და სხვა მიმართულებით, მთელ მსოფლიოში.

ფესტივალის ისტორია

სტუდენტური კინოფესტივალი “ამირანი”ს იდეა 1978 წლიდან იღებს სათავეს . თავიდან იგი დაიწყო როგორც “ბიენალე”. მისი დაარსებიდანვე კინემატოგრაფიულ წრეებში “საბჭოთა კავშირის” ყველაზე თავისუფალ ფესტივალად იყო მიჩნეული. 90- იან წლებში საბჭოთა კავშირის დაშლასთან ერთად ფესტივალი შეჩერდა.

ფეტივალის აღდგენა

2007 წელს უნივერსიტეტმა აღადგინა – სტუდენტთა საერთაშორისო კინოფესტივალი, გახადა ყოველწლიური. იგი გახდა მემკვიდრე 1978 წელს დაარსებული კინოფესტივალისა, რომლის ჟიურის წევრებიც იყვნენ ისეთი ცნობილი კინოხელოვანნი, როგორებიც არიან : ოთარ იოსელიანი, მერაბ კოკოჩაშვილი, რეზო ესაძე, ლეონიდ გაიდაი, მესჩენკო და იზრაელიანი.

ფესტივალის მიზნები
მხარში ამოუდგეს სტუდენტებს თავიანთი კარიერისა და პროფესიული უნარების განვითარების გზაზე
სტუდენტების ნაშრომთა პოპულარიზაცია
შესაძლებლობა იმისა, რომ შეიქმნას საერთო სფერო, რომელიც მხარს დაუჭერს კულტურულ და პროფესიულ განვითარებას როგორც ადგილობრივ ასევე საერთაშორისო დონეზე.
მისცეს სტიმული ახალგაზრდა ხელოვანთ, რათა მათ დაუთმონ მეტი ყურადღება თავიანთი მომავალი პროფესიის ათვისებას და შექმნან ახალი და ღირებული ხელოვნების ნიმუშები

ფესტივალი მოლოდინი
კინოს ინდუსტრიაში არსებულ თაობათა შორის ურთიერთობის განვითარება
სიახლეების სტიმულირება საგანმანათლებლო სფეროში.
კომუნიკაციისა და უნარების გაცვლა ქართველ და უცხოელ ახალგაზრდა პროფესიონალთა შორის.
შემდგომი თანამშრომლობა და ერთობლივი პროექტები კინო სკოლებსა და პროფესორთა შორის.
ამაღლდეს სტუდენტთა მოტივაცია და აქტივობა რათა მოხდეს მათი საზოგადოებაში ინტეგრაცია.

საქართველოს შოთა რუსთაველის თეატრისა და კინოს სახელმწიფო უნივერსიტეტი

საქართველოს შოთა რუსთაველის თეატრისა და კინოს სახელმწიფო უნივერსიტეტი არის უმაღლესი სახელოვნებო განათლების მრავალპროფილიანი დაწესებულება.

იგი აქცენტირებულია მოამზადოს მაღალკვალიფიცირებული კადრები სახელოვნებო მეცნიერებათა კულტურის მართვისა და საშემსრულებლო თუ გამოყენებითი ხელოვნების დარგებში. მისი ერთ-ერთი მთავარი ამოცანაა განავითაროს ინტერდისციპლინური ხასიათის სასწავლო გეგმა და სამეცნიერო კვლევები, რაც გააფართოვებს დასაქმების ბაზარს კულტურაში, ხოლო კურსდამთავრებულებს შესძენს უნარს სწარაფი ადაპტაცია მოახდინონ მსოფლიოს მუდმივად ცვალებად შრომით ბაზარზე.

უნივერსიტეტი წარმოადგეს ქართული კულტურისა და ხელოვნების ეროვნული ფასეულობებისა და ღირებულებების, აგრეთვე კულტურული მემკვიდრეობის შემსწავლელ სამეცნიერო – კვლევით საგანმანათლებლო დაწესებულებას, რომელიც ორიენტირებულია თეატრისა და კინოს, მედიახელოვნების, აგრეთვე სახელოვნებო მეცნიერებათა სწავლებისა და კვლევის შემდგომი გაღრმავების საკითხებში. 
უნივერსიტეტში კინოფაკულტეტი 36 წლის წინ შეიქმნა.
უნივერსიტეტი ELIA და CILECT –ის სრული წევრია.